आजको डिजिटल युगमा शिक्षा केवल किताबी ज्ञान र सर्टिफिकेटमा मात्र सीमित छैन। समयको परिवर्तनसँगै अबको शिक्षामा प्रविधि (Technology) र संस्कार (Values & Culture) को त्रिवेणी हुनु अनिवार्य भइसकेको छ।
The Inevitability of Technology and Values in Modern Education
१. प्रविधि: वर्तमानको आवश्यकता र भविष्यको मार्गचित्र
आजको युग सूचना र प्रविधिको युग हो। विद्यालय तहदेखि नै आर्टिफिसियल इन्टेलिजेन्स (AI), कोडिङ, र डिजिटल साक्षरता जस्ता विषयहरू शिक्षाको अभिन्न अङ्ग बनिसकेका छन्।
प्रविधिले विद्यार्थीहरूलाई विश्वव्यापी बजारमा प्रतिस्पर्धा गर्न योग्य बनाउँछ। यसले सिकाईलाई रमाइलो, व्यावहारिक र पहुँचयोग्य त बनाउँछ नै, साथै उनीहरूलाई भविष्यका नयाँ प्रविधिहरूसँग कदम मिलाएर अघि बढ्न पनि सघाउँछ।
२. संस्कार: नैतिक धरातल र मानवीय मूल्य
प्रविधिले मानिसलाई 'स्मार्ट' त बनाउँछ, तर 'मानव' बनाइराख्न संस्कारकै आवश्यकता पर्छ। वर्तमान समयमा बालबालिकाहरूमा बढ्दो मोबाइल लत, सामाजिक एकाकीपन र नैतिक ह्रास मुख्य चुनौती बनेका छन्।
अनुशासन, आदर, करुणा, नेतृत्व र सामाजिक उत्तरदायित्व जस्ता संस्कारी गुणहरूले नै विद्यार्थीलाई समाज उपयोगी नागरिक बनाउँछन्।